Xiriirka Soomaaliyeed ee kubadba kolleyga ayaa magaalada muqdisho ka furay tababbar ay ka qayb galayaan macalimiinta kubadda kolleyga, waxaana xafladda furitaanka kasoo qayb galay mas’uuliyiin ka socotay Guddiga Olombikada Soomaaliyeed, Madaxda Xiriirka kubadad kolleyga iyo marti sharaf kale .
Tababbarkan oo ka furmay xarunta GOS waxaa ugu horeyn ka hadlay Guddoomiyaha Xiriirka Soomaaliyeed ee kubadba kolleyga Cabdullaahi Nuur Maxamed Cadaani waxa uuna sheegay in tababbarkan ay ka qayb qaadanayaan macalimiin laga soo xulay cayaartooyda cuslaatay, kuwa hada xirfada kuguda jira iyo Ardayda Jaamacadaha wax ka barata isla markaana uu bixinayo Macalin Cumar Cabduqaadir Baarajab .
Guddoomiye Cadaani ayaa intaa ku daray in tababbarka loogu diyaar garoobayo tababbar heerka koowaad ah oo sanadkan gudahiias xirirka qaban doono, isla markaana ay kasoo qayb qaadan doonaan macalimiin ka socota gobolada dalka,
Madaxa arrimaha Gobolada ee GOS Ibraahin Xuseen Cali Roombe horeyna u soo noqday guddoomiyaha XSKK oo goobta ka hadlay ayaa amaanay dadaalka xirirka iyo Macalin Baarajab ay ku doonayaan in ay xoogga saaraan tababbarka macalimiinta oo ah halka ay kasoo bixi karaan macaliin soo saarta cayaartooy wanaagsan.
Macalin Baarajab oo xaflada ka hadlay ayaa sheegay in dalka uu xaq ku leeyahay tallaabo kasta lagu horumarinayo kubada kolleyga Soomaliyeedna uu diyaar u yahay in uu ka qayb qaato, isagoo dhanka kale sheegay in qorshahiisa kaliya aysan ahayn hal tababbar uuna diyaariyay qorshe 2016- ilaa 2020 oo dhanka tababbarka macalamiinta kubadda kolleyga
Guddoomiyaha GOS Cabdulaahi Axmed Tarabi oo xaflada ka hadlay ayaa sheegay in barisamaadki ay kubabdda Kolleyga ku horumartay isku xirnaan wadatashi iyo kala faa’iidaysasho ka dhexaysay macalimiinta garsoorka iyo cayaartooyda, taasna loo baahan yahay in dib loo soo celiyo , macaliinta tababbarka qaadanayo laga doonayo in ay gartaan in mas’uuliyad culus ay saaran tahay.
Ugu dambeyn waxaa xaflada ka hadlay oo tababbarka furay Guddoomiye sharafeedka GOS Cabduqaadir Ibraahin Gacan Abkoow waxuuna si qooto dheer uga sheekeeyay taariikhdii ay soo martay kubadda kolleyga iyo qabkii ay ku horumartay, waxuuna xiriirka kula dardaamay inay soo celiyaan taariikhdii wacnayd ee kubadda koleyga ku lahayd qaaradda afrika.
Tabarkan oo ay ka qayb qaadanayaan 35 macalin ayaa socon doona muddo 5 maalin ah waxayna macalimiinta qaadan doonaan xirfadaha kusoo kordhay kubadda Kolleyga oo cashar ahaan loo bari doono iyo tababbar uu macalinka ku bixinayo garoonka Wiish oo qaab ficil ah loo barayo.
W/D: Xuseen Maxamed Hadaafow
Email: hadaafoow7@gmail.com
